AMS Jaguars kampyeon sa UBL Nadya Emano Cup | SunStar

AMS Jaguars kampyeon sa UBL Nadya Emano Cup

Time to read
less than
1 minute
Read so far

AMS Jaguars kampyeon sa UBL Nadya Emano Cup

Thursday, December 21, 2017

GIPAROT sa Assumption Montessori School (AMS) Jaguars ang R-Ace-Lao Warriors, 61-56, aron mokampyon sa UBL Councilor Nadya Emano Cup Cagayan de Oro Leg championships niadtong Lunes sa Don Gregorio Pelaez Sports Center.

Nitala si Christian Hosain og 26 puntos ug nahimong best player alang sa kampyeonatong daug sa Jaguars.

Gikan sa 41-36 nga labaw sa Warriors, nibida si Hosain sa third quarter diin nangulo siya pagbinat og 8-0 run aron mabali ang hangin ngadto sa iyang Jaguars.

Igo lang nakakupot ang Jaguars og igong labaw ug nakuptan nila paingon sa kadaogan.

"Dikit kaayo ang dula ug pulos gusto modaug," ingon ni tournament commissioner Dan Jaminal.

Sa kadaogan, ang Jaguars mao ang morepresentar sa Cagayan de Oro ngadto sa UBL Mindanao finals sa Lantapan, Bukidnon.

Giabli ang Mindanao finals niadtong Martes ug kamulo pa ang mga dula sa ning pagsulat.

Gipatik sa mantalaang Superbalita Cagayan de Oro Disyembre 21, 2017.

View Comments