USA na sab ka kulbahinam nga panagsangka ang mahinayon karon diin magtinagakay ang defending champions Assumption Montessori School (AMS) ug ang Cagayan de Oro National High School o City High.
Mag-ilog sila sa kataposang silya ngadto sa final pag-agbat nila sa SM NBTC Cagayan de Oro Leg semifinal karong gabie sa Xavier University Gymnasium.
Mahinumduman nga nihuman nga numero uno ang Assumption Jaguars ni coach James Raciness a bracket A nga adunay limpyong 5-0 win-loss record.
Ilang kaatbang ang City Tigers ni coach Bismark Labadan nagsalo sa una ug ikaduhang pwesto duyog sa Corpus Christi School sa brcket B.
Apan, solong naangkon sa Corpus Knights ni coach Carlo Dagalea ang liderato agi sa winner-over-the-other kontra sa Tigers.
Nagbangi ang Corpus ug Sacred Heart of Jesus Montessori School alang sa unang silya sa final sa ning pagsulat kagahapon.
Dula karon:
6 p.m. -- Assumption vs City High