Kulbahinam nga panagsangka tali sa Cagayan de Oro Petron All-Stars ug SM NBTC Regional All-Stars ang mahinayon karong adlawa didto sa Xavier University Gymnasium.
Bunga kini sa gipahinayon nga all-star votes atol sa bagohay nahuman nga SM NBTC Cagayan de Oro Leg ug Northern Mindanao Leg niaging bulan.
Mokomposar ang CdeO-Petron All-Star Team nila Chris Ocangas, Aaron Martinez, Luc Ashton Artazo, Moises Galua, Mark Piator, Paul Bontao, Steven Babate, Roi Egypto, Christian Hosain ug Kurt Ramos.
Sila NBA jr. Philippines coach Catrina Pong-Biongcog uban nila Kam Casino ug Janeth Yanez ang mag-coach kanila.
Molangkob sa SM NBTC All-Star mao sila Abdullah Matonding ug Raindro Matonding gikan Iligan City, Monsour Proel ug Deither Quijada sa Bukidnon ug sila Chris Butcon ug Clint Alejo sa Butuan City.
Naa pa sila Raymart Escobido ug Jerome Palomo sa Surigao ug sila Milo Janao Jr. ug Jovanne Jacutin sa Cagayan de Oro.
Sila Ken Casino, Brande Martinez ug Gilbey Martinez ang mag-coach kanila.
“This is one of a kind kay magtipok ang kinakusgan sa rehiyon sa duha ka bando,” ingon ni tournament commissioner Arvon Martinez.
Moabri ang gym karon sa alas-singko sa hapon ug magsugod ang dula sa alas-syite sa gabie.