Nakapamabdos sa lain

Monday, February 13, 2012

Dear Tita Heart,

Tawga lng ko sa pangalan nga scorpio, 36 ug adunay asawa pero wala mi anak. Toa sa layo nga lugar nagtrabaho akong asawa ug usa na ka tuig nga wala siya nakauli. Ang akong problema tita kay nakauyab og og usa ka single mom. Mabdos siya sa akong anak. Maluoy naman ko mobiya niya labina naa nay umaabot namo nga anak.

Have something to report? Tell us in text, photos or videos.

Ang akong pangutana kung unsay angayan nako buhaton kung makaulo akong asawa. Please Tita Heart tambagi ko kay naglibog nako pag-ayo.

Scorpio

Hello Miss Scorpio,

Lisod gyud toud imong problema. Wala nalang unta ka mikuha og bato unya ibunal ra diay gihapon nimo sa imong ulo. Hinuon nahitabo naman ug bisan unsaon dili naman gyod kini mabalik pa.

Dili man sab puwede nga imong basta basta isalikway imong asawa tungod kay kasal man mo ug imong gipromise atubangan sa ginoo nga siya lang imong higugmaon. Kang imong nabuntisan makasabot na siya kung imong asawa imong pilion kay kabalo siya sa pag-uyab ninyo nga minyo ka. Ihatag lang nimo imong suporta kaniya ug sa imong umbaabot nga anak.

Tita Heart