Dear Tita Heart: Gipanabi

DEAR Tita Heart,

Itago nalang ko sa ngalan nga Jojo, taga Opol, Mis. Or. Ang akong problema bahin sa akong bf. Daghan man gud ko nadunggan nga gipangtabi ug gikalat niya ang nahitabo sa amoa ug tuod man naa nagyod nahitabo namo. Tungod ani, nagduha-duha ko kung love ba kaha ko niya.

Gipaila na nuon ko niya sa iya parents ug okey pud iyang parents nga magminyo nami. Iya na pud kong ipaila sa iyang lolo ug lola. Ingon niya love daw kaayo ko niya ug nagtigom siya para makasal mi.

Feeling nako duha-duha iyang love nako kay kung love ko niya dili niya ikalat ang nahitabo sa amo ug one time naghanggat siya nako… nasuko siya pag-ayo kay diman ko mosugot makig-sex.

Jojo

Hello Jojo,

Lain-lain man gud ang kinaiya sa usa ka boyfriend. Naay uban nga “sex” lang ang giapas sa ilang girlfriend. Naa sab uban nga gipanabi nila ang nahitabo kay proud kaayo sila mga intimate nga nahitabo sa ilang hinigugma. Pero ang maayo unta nga ihilom nalang unta sa imong uyab ang nahitabo kay pribado mana kaayo sa inyong relasyon. Bapa sagrado kaayo nga butang nga walay angayan nga makabalo gawas ninyo duha nga nagkahininigugmaay.

Kung nagduha-duha ka sa iyang love, e-confront siya ug sultihi nga wala ka nalipay sa imong mga nadunggan nga iyang pagpanabi. Kay para sa iyaha okey lang ipanabi pero ikaw dili ka ganahan.

Kining imong gipadala nako, ibalik kaniya pagpangutana kung asa kutob iyang love sa imoha nga dili moabot sa punto nga manultihan siya sa mga private moments ninyo. Dapat respituhon niya imong side.

Akong na sense nga love gyod siguro ka sa imong bf kay talagsa rapud kaayo ang guy magpaila sa ilang gf sa paryente ug mga ginikanan, basin kana lang nga butang siya nasayop ang pagsige og panabi nga kinahanglan nimong ikorek.

TITA HEART