Dear Tita Heart: Dili ma-reach

DEAR Tita Heart,

Tawga na lang ko sa ngalan nga ‘Show’. Taga Balingasag, Misamis Oriental. Magpatambag unta ko unsaon nako pag-undang sa akong gibati sa usa ka babaye nga akong gihigugma. Dili ko makapanguyab niya kay taas kaayo siya sa akong panan-aw. Apan dili sab nako makaya nga dili siya makita. Tabangi na lang ko unsaon pagpanguyab tita. Nikki ang iyang pangalan.

Show

Hello Show,

Abi nimo Show, dili ko makatambag nimo kay dili ko kabalo manguyab kay ako man gud maoy sige og panguyaban. Hehehe joke lang!! Bitaw Show, pangita og lalaki nga kanang suod kaayo nimo, or uncle, papa ba kaha nimo. Pagpangayo og tips kung unsaon pagdiskarte sa babaye, pangutan-a sila kung gi-unsa nila pagpasugot ilang asawa or imong mama.

Pero sa akong tan-aw nga feeling nimo dili ka pansinon niya kay langit kaayo imong panan-aw sa iyaha dili intawon kana babag. Kung kugihan lang ka og panguyab walay imposible gyod. Siguro usa sa akong tips mao ang padala ba kaha og loveletter, bisan dili nana uso pwede gihapon na nimo himoun karon..kuhaa dayon iyang number og itext dayon siya nga ikaw ang nagpadala og loveletter. Imo dayon suportahan sa pagtext kaniya nga: (Nikki ako ang nagpadala og love letter, kabalo ko dili nana uso karon pero bisan dili na uso ang loveletter karon ako gyod na ang gituyo paghimo kay ang susama kanimo dili ipaagi sa text text lang.)

Hehe try lang basin ma-impress ha. Ikaw na dayon diskarte sa sunod nga move. Then dabest pud nga ganahan ang babae sa usa ka lalaki kinahanglan maglimpyo ka, kanang neat tan-awon, seryoso ug dili bastos kung moasta. Wala gyod pangit kung nagbaton ang lalaki sa kinaiya nga in-ana. Kasagran man gud sa babae ganahan og pormal nga lalaki. Na hala sige goodluck sa imoha..kaya lagi na nimo ayaw ipairal ang ulaw ulaw kay matigulang ka dili ka ka score.

Tita Heart