Dear Tita Heart: Nakigbalik

DEAR Tita Heart,

I’m Lady 19 from Cdeo. Naa koy ex-boyfriend og nagka-baby mi. Nagbulag mi kay wala nami nagkasinabot. But still nag-communicate mi og gakita for the sake sa among baby. Karon nga month tita, nagbalik mi dayon nagproposed na siya nako. Gaduha-duha lang ko og sugot kay tungod naa pud siya’y lain nga baby sa lain nga girl. Pero wala na sila communication sa lain girl. Ang akong mga friends dili ganahan sa iya kay gibalewala lang daw mi gumikan kay usahay ra siya mohatag og money kay wala man siya work. Kung magtalk mi og face-to-face sige siya og ingon nga love daw kaayo ko niya og ang akong baby. Then tita ga “something” napud mi og balik. Does this mean nga he’s just using me to feed his lust? What should I do tita? Please advise me.

Lady 19

*****

Hello Lady 19,

Imo man mahibaw-an kung ang lalaki tinuod ang pagbati diha kanimo. Kinahanglan unta nga nanarbaho siya aron duna siya ikasuporta kanimo og sa iyang baby. Labina kay nagbalik mo, nagkaanak nasab mo, siyempre mag expect gyod siya nga maghimo mo og “something” pirme kay ikaw pud diba mosugot man ka, gipakita man pud nimo nga aduna pud kay dako nga gugma kaniya. Kamong duha maoy gusto anang butanga. Mag-unsa lang sab imong mga friends pagdili sa imong ex kung ikaw mismo ganahan sa iyaha diba? Abi nimo Lady 19, timbang timbanga gyod kay basin unya maburos nasab ka sa ikaduha, og unya biyaan napud ka. Wala raba kaha siya trabaho. Ang inyong future ang tan-awa. Ang imong baby. Usahay man gud kung magpaanod lang ta sa unos sa atong gugma dili nata makahibalo mudepensa. Kinahanglan sa gyod manarbaho ang imong bf, kung makatigom magplano nga magminyo aron mahimong kumpleto ang pamilya. Kanang baby niya sa lain girl, for sure wala na sab na naglakag niya kay ang inahan siguro nakarealized nga dili na gukdon kay wala man siya trabaho.

Tita Heart