Text lang

DEAR Tita Heart,

Hi tita, I’m Jane from Puntod. Naa koy problema sa akong love life. Nagka-uyab mi sa akong boyfriend through text lang and one month and one week nami nga uyab og love kaayo nako siya tita. Dayon nahibaw-an nalang nako nga gibinuangan ra diay ko niya. Unsa man ang akong angayang buhaton?

Jane

Hello Jane,

Mao kana ang himoun nimo nga leksyon nga sa sunod dili naka magsalig og text-text. Abi ba nako sa una rana ang mangilad og text, hangtod pa diay karon? Ayaw tumpang ana. Mangilad man gani nang uban lalaki nga naa sa imong atubangan, kana pa nga sa text ra nimo nailhan. Pagpokos sa imong pagtuon ayaw alegraha ang uyab-uyab. Kung modawat og uyab ipapangulitawo og sakto. Dili sa text.

Tita Heart