Trip minyo

DEAR Tita Heart,

I’m Jun-jun, 27, from Cagayan de Oro. Magpatambag lang unta ko tita mahitungod kay hilig kaayo ko og panguyab og minyo or mga older pa nako. Dili man kaayo ko ma-attract sa mga dalaga nga pareha nako og edad bisan unsaon pa nako. Minyo gyud ang akong mauyab. Unsaon man nako ni tita? Please advise me. Thank you and more power to you. God bless.

Jun-jun

Hello Jun-jun,

Naay anay diri basin gusto ka? Hehe pasiaw lang. Ngano man sab intawon minyo man imong gusto nga daghan man kaayo’ng dalaga nga walay mga uyab? Maghulat-hulat na lang intawon sa daplin mapansin lang. Labina ikaw kay lalaki sayon ra kaayo ka makadiskarte. Ayaw anang minyo Jun-jun kay naa nay tag-iya ana. Ayaw himoa imong kaugalingon nga maoy hinungdan sa panagbulag sa magtiayon o ganahan ka makulatahan sa bana. Ayaw kahadlok, kaulaw, suway og panguyab sa dalaga, basin makaingon ka mga mas lami pa diay ang dalaga kaysa minyo higugmaon.

Tita Heart