Dear Tita Heart: Wala gidugo

DEAR Tita Heart,

Just call me Ann. I need your advice tita. Usa nako ka mommy. Bag-o lang ko nanganak pag-April and after few days namatikdan nako nga gagmay nalang ang dugo pero natingala ko kay gidugo na dayon ko as in 3 days.
Human ato wala na dayon ko gidugo. Karon mag three months palang wala nako gidugo. Posible ba na buros ko?

Ann

*****

Hello Ann,

Sorry kaayo kay dili gyod ako ang angayan nga imong pangayoan og tambag. Pagpa check-up og doktor o bisita sa imong OB gyne o kadtong doktor nga nagpaanak nimo para mapasabot ka nganong wala ka gidugo. Akong nabantayan nga after gyod sa pag-anak dili paman gyod na mawala ang dugo ginagmay lang ang mangawas, pagkawala ana moabot pajud na og pila ka bulan usa mobalik ang normal cycle sa imong dugo. Base lang sa akong nahibaw-an. Pero kung nag-engaged naka og s*x within that month sa imong hubby dako pud ang posibilidad nga nasudlan naka mao nga wala na ka gidugo. Pero dabest adviser gyod is imong doktor. Salamat sa imong pagpadala sa imong problema.

P.S Hello Bukakai, sorry kaayo langga kay sa sige nako og balik balik og scan sa imong problema wala gyod nako nakita sa kadaghan nga nagpadala nako. Pwede imong mapadala og balik para atong masolusyunan imong problema asap. Salamat sa pagparemind. Kadtong wala pa gyod natubag ang mga problema pasensya gyod kaayo kay first come first serve ta. heheh. Dayon daghan ang waiting. Ingat mo. Kanunay basa sa Super.

Tita Heart