Atong ila-ilahon ang mga Barangay Gwapo 2012

"SIKAT ug PROUD."

Kini ang kasagaran tubag sa mga napulo ka magpapiling Barangay Gwapo nga gi-orginasa sa ABS-CBN Cagayan de Oro diin kini usa sa highlights sa padangaton nga kapistahan ning siyudad ni patron Senior San Agustin.

Kapin 100 ka mga gwapo ug talented ang nag-audition sa Barangay Gwapo sa ABS-CBN niadtong July 13, ug napulo lamang ang napili niini.

Ang napulo ka mga mga gwapo ang giingong gihashasan, gisuta, gisusi ang ilang kinatibuk-an kung aduna ba kini kapasidad nga magrepresesnta isip usa ka role model sa ilang barangay gawas pa sa pulong nga “gwapo.”

Dili usab ikalimod ang gibating kadasig, garbo sa ilang naabot tungod kay dako kini og tabang kanila sa pagsugod sa ilang tagsa tagsa ka karera ug mahimong kompyansa sa kaugalingon.

Atong ilhon ang mga gwapo nga mao sila si Gwapo No. 1, Francis “Frans” Luperte ang Gwapong Shy sa Barangay Consolacion, 21 anyos ug adunay katas-os nga 5'7; Gwapo No. 2, Don Kim Julio Q. Quimbo, ang Machong Gwapo sa Barangay Nazareth, 19 anyos ug adunay katas-on nga 5'10; ang Gwapo No. 3, Alvin Marc “Macky” A. Magpulong, ang Maginoong Gwapo sa Barangay Bugo, 21 anyos ug 5'7 ang katas-on; Gwapo No. 4, Kim Michael “Kimsoy” Paasa Jr. ang Masayahing Gwapo sa Barangay 13, 22 anyos ug adunay 5'9 ang katas-on; Gwapo No. 5, Karl Rembrant B. Mueco, ang Pilyong Gwapo sa Barangay 29, 18 anyos ug adunay 5'8 ang katas-on.

Laing mga gwapo mao ang Gwapo No. 6, Mike “Mico” D. Abejo, ang Seryosong Gwapo sa Barangay Macabalan, 21 anyos ug adunay katas-on nga 5'7; Gwapo No. 7, Noel Vincent “Enteng” C. Orejudos, ang Gwapong Palaban sa Barangay Bulua, 19 anyos ug adunay katas-on nga 5'8 ½; Gwapo No. 8, Alexander Dan T. Linaac, ang Gwapong Boy Next Door sa Barangay Gusa, 22 anyos ug adunay katas-on nga 5'9; Gwapo No. 9, Jestoni “Jepz” P. Lopez ang misteryosong Gwapo sa Barangay Macasandig, nag-edad ug 21 ug adunay katas-on nga 5'8; ug ang gwapo No. 10, Richard “Chard” S. Caspillo, Mestisong Gwapo sa Barangay Puntod, 25 anyos ug adunay 5’7 ang katas-on.

Sa one-on-one interbyu nga gihimo sa Sun.Star SuperBalita sa mga napiling mga barangay gwapo nga mag-indigay karong Augusto 18 ilang gisaysay ang kalipay ug dakong oportunidad nga gihatag sa ABS-CBN kanila.

"Kami maoy naay guts," tubag sa mga gwapo dihang gipangutana sa SuperBalita kung unsay ilang feeling nga maoy top ten sa mokabat 100 kapin ka nag-audition. Ila usab gipasabot nga atol sa pag-auditon daw nawad-an na sila sa paglaom tungod kay daghan sa mga nag-audition ang gawapo ug talented apan ilang nasuta nga kinahanglan diay dili lang basta gwapo ang pilion.

Susama sa coffee nga 3 in 1, diin kumpleto na usab ang pagpili sa barangay gwapo nga mao ang pagkagwapo, talented ug intelligent.

Gani usa sa barangay gwapo ang niundang gyod sa iyang career kay gipili ang fame. Apan wala gibasulan niini tungod kay bata pa ug daghan pa oportunidad moabot kaniya.

Ubay-ubay ka mga TV guestings, photo shoots, nature adventures, ug uban pa ang napahimuslan sa mga gwapo nga maoy hinungdan nga nahimo sila og barakada.

Gani bisan wala sa listahan sa organizer, mogawas ang mga gwapo aron mag bonding. Strong bond of friendship maoy paghulagway sa mga gwapo sa nabou nila nga relasyon.

Kung aduna man modaog kanila ug mapili nga Barangay Gwapo 2012 susportado kini kanilang tanan.