Giselosan

DEAR Tita Heart

Isa gyod ko sa gasubaybay sa imong mga tambag. Tawga lang ko sa ngalan nga Bukakai. Taga Iligan ug 20 years old. Daghan ko og problema Tita. Usa niini akong ka friendly sa tanang tao, wala koy gipili bisan og mga boys. Pero ga ijudge ko sa mga babae. Single ko, moamin ko nga I have the looks and body pero simple rako ug walay karate-arte. Isa ka jologs nga bae o ulog-ulogan kay garaon, pero nagskwela pako sa unbersidad denhi ug pobre rasad ko. Wala sab ko nanguyab karon sukad pagbulag namo sakong bf 2 years na ang nilabay. Tungod sa akong pagkaprinsipyo, dili nako mahatag tanan niya gusto. Karon gusto niya makigbalik ug text-text nako pero dili ko kay dili ko gusto nga mawala akong dignidad sa butang nga walay klaro.

Nasakitan lang ko nga giingan ko niya nga grow up! Angay paba nako siya balikan Tita? Isa pud unsay akong buhaton nga kaselosan ko sa mga uyab sa friend nako nga boys kay bigaon daw ko; paghuna nako insecure sila nako. Tambagi ko.

Bukakai

Hello Bukakai,

Natubag najud imong problema. Tinuod gyod ka sa imong ingon nga insecurity kills. Never mind them nalang. God knows unsa kalimpyo ang imong kasing-kasing. Mao bitaw siguro imong ex-bf gusto gyod ka niya balikan kay naay something sa imoha nga lisod niya makuha nga nagustuhan sab niya ug dili niya makita sa lain. Magawapa o mapangit, masexy o dili, kinahanglan gyod nato panindigan atong kaugalingon. Dili nato ihatag og basta-basta nalang sa lalaki nga walay klaro, diba? I am so proud of you kay behind sa imong ka close sa mga lalaki, ka jologs nimo, taas noo gihapon ka nga moatubang sa mga tawo, within sa imoha giprotektahan nimo imong self, imong puri.

Kung dili na gyod nimo feel nga balikan imong ex-bf ug feel nimo problema lang ang hatod niya kanimo, ayaw nalang baliki. Pokos sa imong pagskwela; paghuman kay daghan pa kaayo lalaki nga karapat-dapat sa imoha. Kanang mga girls nga inngit sa imoha…ayaw sila huna-hunaa. Continue being friendly. Ang mga nakaila ug mga tinuod nga higala mas nakaila kung kinsa ka, diba?

Thank you Bukakai…

TITA HEART