HILOM nga mihilak si Maine Mendoza dihang iyang nasaksihan live ang konsyerto sa iyang paboritong banda nga “Coldplay” sa Los Angeles, California.
Apan nakuhaan kini og video sa iyang kauban sa pagpanan-aw sa concert.
Nag-post si Maine sa iyang Twitter nga siya ang pinakamalipayong babae tungod kay iyang nasaksihan ang concert sa iyang paboritong banda nga giingong high school pa lamang siya dihang giidolo.
Dream come true alang niini tungod sa wala pa kini misikat ug naartista, wala siyay tsansa nga makakita niini apan giregalohan kini ni Antonio Tuviera kinsa CEO sa APT Entertainment nga maoy naghupot ni Maine.
Gibutyag ni Alden Richards kinsa ka love team ni Maine nga post birthday gift kini sa APT kang Maine dili lang tungod sa kalampusan sa ilang pelikula nga “Imagine You and Me” nga giingong dul-an P500 million ang kita.
Usa sab ka semana si Maine sa California alang sa bakasyon kuyog ang igsuong si Coolen ug lakip sa concert nga ilang gilantaw mao ang konsyerto sa sikat nga si Adele. (SVB)