IKANAPULO na nga tuig sa Star Magic Ball diin gipakita sa red carpet ang glamorosang artista sa Kapamilya network o mga artistang lakip sa Star Magic.
Apan sa kadaghan nga maanyag nga artista nga nagsul-ob sa mga gidisenyong mga gown, aduna gayud ang nag-standout niadtong gabii sa adlaw’ng Sabado, Oktubre 22, sa Makati Shangri-La.
Usa niini mao si Liza Soberano nga nagsul-ob og kolor dove gray, cut ug gidesinyo ni Michael Cinco nga maoy nidaog isip Best-Dressed Female Star award. Kauban ni Liza ang iyang loveteam nga si Enrique Gil.
Gwapa sab si Kathryn Bernardo sa iyang Michael Cinco couture gown ug kauban si Daniel Padilla.
Siyempre lakip si Kim Chiu usa sa Star Magic Ball’s Best-Dressed list nga nag-sul-ob sa Val Taguba gown kinsa kauban ang iyang Mr. Right nga si Xian Lim.
Maanyag sab si Erich Gonzales sa iyang Pepsi Herrera gown ug kauban ang iyang loveteam ug real life nga uyab nga si Daniel Matsunaga.
Elegante sab si Jodi Sta. Maria sa iyang Mark Bumgarner’s ball gown.
Lakip sa nagstand-out mao sila si Miles Ocampo, Elisse Joson, Ylona Garcia ug Janella Salvador, kinsa kauban si Elmo Magalona.
Hisgotanan usab sa maong ball ang pag-uban nila ni Luis Manzano ug Jessy Mendiola, Gerald Anderson ug Bea Alonzo.
Solo sab nga miadto sila si Angelica Panganiban ug Maja Salvador.