ANG Multi-awarded actor nga mao si Dennis Trillo maoy gideklara nga Best Actor ug Best Actress sab si Andi Eigenmann sa bag-ohay lang nga natapos nga Filipino Academy of Movie Arts and Sciences (Famas) Inc. Awards niadtong Dominggo sa gabii, Disyembre 4.
Midaog si Dennis sa pagdala niini sa pelikula nga “Felix Manalo.”
Sa iyang Instagram account, ang Kapuso leading man mapasigarbuhon nga nagpost sa iyang Famas trophy.
“My very first FAMAS best actor! Happy Holidaze!” caption niini sa iyang post.
Ang iyang manager nga si Popoy Caritativo nag-post sab og hulagway ni Dennis sa Instagram account.
Samtang si Andi Eigenmann kinsa mananaog isip best actress tungod sa iyang performance sa Carlo J. Caparas film nga “Angela Markado.”
Sila Gabby Concepcion ug Lorna Tolentino maoy best supporting actor ug actress awards sa ilang pagdala sa Star Cinema film nga “Crazy Beautiful You.”
Lakip sa pelikula mao ang young star nga si JM Ibanez, kinsa best child performer.