SI MS. Berjayneth Chee maoy nahimong mananaog sa bag-o lang natapos nga indigay sa Miss Kuyamis 2017 nga gipahigayon ang coronation night niadtong Huwebes sa gabii, Enero 12, diha sa Capitol Ground ning dakbayan sa Cagayan de Oro.
Ang first Runner Up naangkon sa dakbayan sa El Salvador nga girepresenta ni Elizabeth Amahan, second Runner Up – Magsaysay nga mao si Danna Rose Socaoco, third Runner Up gikan sa Medina nga mao si Rona Christy Flores, ug fourth Runner Up gikan sa lungsod sa Initao nga mao si Quennie Galarrosa.
Gawas nga nahimong mananaog usa sa major awards ang naangkon ni Chee nga mao ang Best in Swimsuit.
Si Chee maoy morepresentar sa probinsya sa Misamis Oriental ning tuig.
Mibabay na usab ug maoy nitunol sa iyang korona ang Miss Kuyamis 2016 nga mao si Maelyn Unson.
Nagsilbing hurado sa indigay mao sila Jory Rivera, Bea Bianca Mackey, Rina May Javier, Peachy Veneracion ug Neil Perez.
Dakong kalipay alang kang Chee ang kalamposan sa indigay ug garbo nga mopresentar sa tibuok Misamis Oriental.
Kahinumduman nahimo kining Miss Silka 2016, Miss Teen Camella ug Mutya ng Prisaa.
Mapasalamaton usab ni Gobernador Yevgeny Emano sa mga miorganisa sa indigay ug sa kalamposan niini.