LINGAW kaayo ang mokabat 16 ka kang kandidata sa 65th Miss Universe sa ilang pre-pageant activity sa Boracay niadtong Sabado, Enero 14.
Ang kandidata gikan sa Argentina (Estefania Bernal), Nicaragua (Marina Jacoby), Guyana (Soyini Fraser), Myanmar (Htet Htet Tun), Belize (Rebecca Rath), Australia (Caris Tiivel), US Virgin Islands (Carolyn Carter), Poland (Izabella Krzan), Honduras (Sirey Moran), Namibia (Lizelle Esterhuizen), Mexico (Kristal Silva), Malta (Martha Fenech), Chile (Catalina Caceres), Costa Rica (Carolina Rodriguez Duran), Turkey (Tansu Sila Cakir), ug Ecuador (Francesca Cipriani) ang gidawat sa mga opisyal sa local sa Malay, Aklan.
Ang 16 ka kandidata ang gi-greet sa Ati-Atihan dance group sa Godofredo Ramos Airport sa Caticlan.
Gidala dayon sila sa Shangri-La Boracay Resort and Spa pinaagi sa speedboats.
Parte sa ilang kalihokan mao ang dragon boat rowing, swimwear photo shoot, weaving, ug fish net making.
Host sa event niadtong tungora mao si Miss Universe 2013 Third Runner Up Shamcey Supsup.