NASAKMIT sa usa ka 20 anyos nga si Jovelyn Meraveles kinsa representante sa Barangay Mandangoa ang korona sa Miss Balingasag 2017 atol sa gipahigayong coronation night niadtong Enero 13 sa gabii sa Gymnasium sa Balingasag, Misamis Oriental.
Gisalmotan sa 12 ka mga kandidata ang indigay sa kaanyag ug talento nga nagagikan sa nagkadaiyang Barangay ug mga ahensiya lakip na sa mga pribadong sponsor atol sa maong event.
Gipasa usab ni Miss Balingasag 2016 Jecill Abucayon ang korona atol sa coronation night ug mihimo pa sa iyang farewell walk.
Nasakmit sa 20 anyos nga dalagita ang korona human nga nahugyaw ang katawhan labi na ang mga judges sa maalamon niini nga tubag sa ilang final question ga “What makes a true Balingasagnon"?
“For me, a true Balingasagnon knows its devotion and it’s a devotion to our patron Sr. Sto Nino in which we are celebrating right now. true Balingasagnon also knows where they comes from and never quit and never gives up on his dreams in his life. Thank you! Kini ang kumpletong tubag sa 20 anyos nga mao na ang Miss Balingasag karong mga panahona.
Nasayran nga ang tanang paningkamot ni Meraveles iyang gitagana sa iyang pamilya kinsa nangandoy nga mahaw-as ang kaugalingong pamilya gikan sa kapobrehon ug mamahimong malampuson.
Siya ang kamagulangan nga anak sa lima ka mga managsoon kinsa nagdako mismo sa Balingasag.
“It’s not gonna be hard as long as my heart is on it. Because as long as I want to do those activities, dili gyud siya problema. And of course, school for me is a priority but I also have my responsibilities. So it’s just about balancing out my life," ni Meraveles.
Nakahuman kini sa pagtungha sa high school sa Misamis Oriental Comprehensive High School ug nakapasar sa College scholarship ug karon graduating student na sa kurso nga Computer engineering sa University of Science and Technology of Southern Philippines (UST-SP).
Nasayran usab nga ang iyaan ang nagtabang kaniya sa gasto sa pagtungha.
Lakip usab sa top 5 o finalist sila si candidate #10 Abigail Señara, sa Poblacion 6 (1st runner up), candidate #11 JJaybee Moonette Queroyla sa Barangay Blanco (2nd runnerup), Candidate #6 Allene Jane Khu sa Barangay 4 (3rd runner up) ug candidate #12 Mobby Alcestes Pajaron sa Barangay Binitinan.
Ubay-ubay usab ka mga awards ang nasakmit ni Meraveles sama sa Face of Ivan Escoto Decors, Miss Photogenic ug Miss CDO 2 cycles.
Samtang si candidate #10 Abigail Señara kinsa 1st runner up ang ubay-ubay ka mga awards ang nakuha sama sa Best in Swim suit, Best in Production number, Best in Long gown, ug COC ambassadress.
Si candidate #6 Allene Jane Khu ang Miss Darling of the Social Media, candidate #3 Farrah Faye Warquez ang Miss Congeniality ug Miss Sapphire Purified Drinking water.
Si candidate #7 Sheena Carolino ang Miss Coca-cola Femsa ug candidate #7 Jaybee Moonette Queroyla ang nakasakmit sa Miss Mary kay Beauty.
Nakuha usab ni Candidate #1 Teniza Lianne Andulza ang Miss Blissful concepts, candidate #10
Mapasalamaton usab si Mayor Marietta Roa-Abogado nga malampusong natapos ang aktibidades ug nanghinaot nga ang mga nakoronahan mamahimong maayong ehemplo sa mga kababayen-an ug sa mga kabatan-onan aron nga mas mapalambo pa ang lungsod sa Balingasag.
“Salamat kayo sa success sa Miss Balingasag 2017 ug naghinaot ako nga unta ang kini ang mga nandaog ug wala nandaog makahatag og maayo kaayo o role model dinhi sa atong lungsod Balingasag isip mga kababayehan, mangulo sila sa solid waste management program, of course sa akong peace and order in their small little way mahimo unta silang ehemplo isip mga rayna niining atong katilingbang Balingasag," pahayag ni Mayor Abogado.
Mapasigarbuhon usab kini sa pagkadaog sa usa sa ilang lungsoranon kinsa namahimong Miss Kuyamis 2017