Dear Tita Heart: Naa diay 2 ka anak | SunStar

Dear Tita Heart: Naa diay 2 ka anak

Time to read
less than
1 minute
Read so far

Dear Tita Heart: Naa diay 2 ka anak

Wednesday, September 13, 2017

DEAR Tita Heart,

Maayong adlaw nimo Tita Heart ug sa tanan suki sa SuperBalita. Ako si Josie. Tita akong problema kining akong nauyab nga naa man diay duha ka anak pero bulag na sa asawa kay naa nay kaipon lain.

Unsa akong buhaton Tita nga namakak man siya nako? Dili gyod pod nako feel magpakainahan sa iyang duha ka mga anak. Please Tita tambagi ko kay na-learn naman gud pod nako siya og love ug galibog nako og maayo. Salamat kay magpaabot ko sa imong tubag.

Josie

****

Hello Josie,

Kung dili nimo kaya magpakainahan prangkahi siya ug bulagi deretso mintras bag-o pa aron pod dili kaayo siya masakitan. Anyway siya man ang nagtago kanimo nga naa diay siya mga anak. Dili ka niya mabasol kung unsa man imong desisyon. Pero kung love gyod nimo siya di magpakainahan ka ug imong dawaton ug respetuhon iyang mga anak kay bisan unsaon mga anak na sa lalaki nga imong gi-love.

Tita Heart

Gipatik sa mantalaang Superbalita Cagayan de Oro Septembre 14, 2017.

View Comments