PASOK sa Top 10 ang pambato sa probinsya sa Misamis Oriental nga mao si Ms. Kuyamis 2017 Berjayneth Chee sa Eat Bulaga!’s Search for Ms. Millennial 2017 coronation day niadtong adlawng Sabado, Setyembre 30.
Sa pagsalmot ni Chee niining dakong kompetisyon sa programa sa telibisyon dinhi iyang gipaila ug gipromote og maayo ang mga tsada kaayong talan-awon ug mga spots nga denhi lang makita sa Misamis Oriental.
Taliwala wala naangkon ni Chee ang korona iyang napakita ang iyang nindot nga gigikanan sa Misamis Oriental. Dili usab basta basta nga mosulod sa top 10 tungod kay 30 ka mga kandidata ang nagikan sa nagkalain-laing probinsya sa nasod sa Pilipinas.
"Hello po, top 10! Maraming maraming salamat po sa supporta niyo, next time we'll do better po laban lang keri pa! :) it was a great experience, and I will forever be thankful about it. God bless po!" kini ang post ni Chee human sa koronasyon.
Nahimo usab nga mga mananaog mao sila Miss Millennial Malabon Shiara Joy Dizon, (3rd Runner-up); Miss Millennial Aklan Eleonora Valentina Laorenza (2nd Runner-Up); Miss Millennial La Union Carina Cariño! (1st Runner-Up); Miss Millennial Ilocos Norte (Bayanihan Queen) ug Miss Millennial Camarines Sur Julia Gonowon (Miss Millennial Philippines 2017).