Super Lami: 5 Best Vegetable Salad sa CdeO | SunStar

Super Lami: 5 Best Vegetable Salad sa CdeO

Time to read
1 minute
Read so far

Super Lami: 5 Best Vegetable Salad sa CdeO

Friday, December 08, 2017

ADUNAY koy napili nga lima ka mga vegetable salad nga swak kaayo sa akong panlasa ug akong natilawan kini sa nagkadaiyang restaurant nga akong nakan-an denhi sa Cagayan de Oro.

Sa pagkakaron alang kanako dili gyod mawala sa order kining vegetable salad tungod kay daghan kini og ikaayo sa atong lawas ug basi sa pagtoun migawas nga ang sige og kaon ug vegetable salad nga giubanan og prutas ang gamay og risgo nga magkasakit labina gyod niining makapatay nga cancer.

Gawas niini mas maayo imong pagbawas sa adlaw-adlaw tungod kay puno man kini sa fiber.

Dili man toud pareha atong panlasa apan alang kanako kini nga mga vegetable salad ang the best salad alang kanako denhi sa Cdeo.

1. Candy's Special Salad- Kini nga salad ang usa pinakalami nga salad nga akong natilawan ug anaa kini makita sa Candy's cafe restaurant. Siguro tungod sa iyang mga rekados nga makapanulon-tulon ka ug dili ka mapul-an labina nga aduna kini caramelized nuts; mangga; parmesan cheeze, honey dressing ug mixed greens veggies.

2. Bigby's! Ticky Wacky Chicken Salad- Sa walay pagduha duha nahurot nako deretso ang good for two unta nga servings. Makapanilap ang green salad nga adunay walnuts, ug prutas sama sa grapes, mango ug dressing nga chicken.

3.Cucina Higala's Chicken Barbecue Salad- Usa ni sa bag-ong menu nga gitanyag sa Cucina Higala karong panahona. Kon gusto nimo matilawan ang kombinasyon sa ginanggang nga manok uban ang green vegetables kini ang swak alang kanimo kay lamian sab kaayo.

4. Sentro's Crab Veggie Salad- Mao ni nga salad ang ako na miss nga kan-on kay usa ni siya sa pinakalami nga salad nga akong natilawan. Tsada ang kombinasyon sa crab with dressing, hilaw nga mangga ug green veggies.

5. S&R Chicken Caesar Salad- Espesyal alang kanako ang ilang salad sa S&R tungod usab kay lami kaayo ang kombinasyon sa unod nga chicken ug greens, tomato, cheese ug dressings.

Gipatik sa mantalaang Superbalita Cagayan de Oro Disyembre 08, 2017.

View Comments