Ana Monica Tan gihirang isip Miss Kuyamis 2018

GARBO gikan sa lungsod sa Tagoloan ang naghupot sa bag-ong titulo nga Miss Kuyamis 2018 nga mao si Ana Monica Tan diin iyang gipildi ang 19 ka mga kandidata atol sa coronation night nga gipahigayon niadtong Huwebes sa gabii sa Capitol grounds.

Ang 19-anyos nga si Tan maoy bag-ong tourism ambassadress sa Misamis Oriental.

Ang mananaog sa prestihiyosong titulo nagbitbit og premyo nga P25,000 cash prize, trophy, gift certificates gikan sa Jaja Salon, Lerouge Salon and Spa, Duka Bay Resort, Apple Tree Resort and Hotel, Aim to Top Review Center, 2GO travel gift certificate worth Php5,000 ug usa ka mobile phone nga mobalor og P10,000.

Gawas niini naangkon sab ni Tan ang pipila ka mga special, minor ug corporate awards sama sa Miss Kuyamis Festival Attire, Best in Evening Gown, Miss Le Rouge and Spa ug Miss SMI.

Nipaabot sa iyang dakong pahalipay si Governor Bambi Emano ngadto kang Miss Tagoloan ug malaumon nga buhaton niini iyang tahas hilabina ang pagrepresentar sa probinsya sa tibouk kalibutan ug pagdasig sa katawhan nga bisitahon ang daghang patsada nga talan-awon sa Misamis Oriental lakip sab ang pagtilaw sa lamiang pagkaon nga denhi lang matagamtaman sa probinsya.

Dugang ni Governor Bambi nga tanan kandidata mananaog na niini tungod kay dili tiaw ang magbarog taliwala sa stage ug ipresentar ang mga patsada nga talan-awon sa ilang tagsa-tagsa ka lungsod.

"For me, you're all winners. The first time you stood on stage and shared your talents to each of the Misamisnon and by winning the hearts of the wonderful people in the province, you won already," matud sa Gobernador.

Si Tagoloan Mayor Enan Emano namahayag sab nga dako iyang kalipay nagikan sa iyang lungsod ang mananaog ug malaumon kini nga unta mahimo ni Tan iyang tahas isip bag-ong tigpasundayag sa probinsya.

Nahimong 1st runner-up mao ang 21-anyos nga si Judith Jot C. Potestico gikan sa Naawan.

Gawas niini nga titulo ang Miss Naawan miharbat og mga special ug corporate awards sama sa Miss Photogenic, Best in Swimsuit; Best in Casual Interview; Miss Nature's Spring; Miss 2GO; Miss Aim To Top Review.

Hinuon ang tanan mga kandidata nakadawat og libreng scholarship gikan sa Aim to Top Review Center.

Ang 2nd runner-up nagikan sa lungsod sa Opol nga mao si Kathleen Mae Ubanan; ang 3rd runner-up gikan sa lungsod sa Libertad nga mao si Kimberly Jane Magdugo, 18 anyos; samtang ang 4th runner-up mao ang 18 anyos nga si Diane B. Regis gikan sa lungsod sa Medina.

Giilang Miss Globe Texters Choice Award ang kandidata gikan sa Manticao nga mao si Grayzel Ann M. Catipay, 18.

Nagsilbing hurado atol sa kompetisyon mao ang Queen Maker ug Pageant Expert nga mao si Roden Gilbert Flores; Mr. Manhun International 2012 ug Model nga mao si June Macasaet; Bb. International 2014 nga mao si Bianca Guidotti; Pageant Blogger Mr. Norman Tinio; Miss Mutya ng Pilipinas World 1977 ug owner sa Miss Philippines Earth nga mao si Ms. Peachy Veneracion.

Gipakilig sab sa commercial model ug sakop sa solid 5ive nga mao si Nico Nicolas ang mga kandidata kagabii pinaagi sa iyang gitanyag ng awit.

Imbitadong host sila si Sean Kyle ug Kanhi Mutya ng Pilipinas Ms. Kristine Caballero-Aplal ug in house host nga walay lain ang maanyag nga mao si Ms. Allyn Peñalosa.

Ang Miss Kuyamis 2018 natapos nga magarbuhon ug malampuson tungod sa tabang sa nagkalain laing departamento sa probinsya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph