Celebrate love! | SunStar

Celebrate love!

Time to read
1 minute
Read so far

Celebrate love!

Tuesday, February 13, 2018

ADUNAY pipila ka mga hotel, restaurant, ug resort dinhi sa Cagayan de Oro ug Misamis Oriental nga mitanyag og promo karong adlawa, Valentine's Day.

Siguradong pefect ang selebrasyon dili lang sa mag-uyab, magtiayon apan swak sab sa date sa pamilya.

Kung trip nimong isorpresa imong hinigugma sa nindot nga palibot susama sa luag ug dako nga bucaneer bay wave pool.

Ang Seven Seas Waterpark nga nahimutang sa lungsod sa Opol, Misamis Oriental mitanyag og Romantic Valentines Evening karong gabii.

Good for two sa kantidad nga P1,500 ug maekperyensya na ninyo ang patsada nga kagabhion, lamian nga pagkaon ug adunay acoustic nga mo-serenade nga mga patsada nga lovesongs. Usa ka rosas ang madawat sa babae ug picture taking sa talagsaon nga eksperyensya.

Samtang kon trip nimong magtsek-in og hotel kini nga promo ang perfect kanimo.

Kon romantikong dinner diin malantaw ang baybayon ug swimmig pool ang Apple Tree Resort mitanyag og romantic dinner by the bay.

Magtsek-in ba imong tinguha? Ang Luxe Limketkai Hotel nagtanyag og Deluxe Superior Room sa kantidad lamang nga P3,799 diin lakip na niini ang
Valentine Buffet dinner for two; overnight stay sa Deluxe Superior room; libreng ligo sa Infinity ug Sea Horse-shaped Pools; botelya sa wine; rosas para sa babae ug complimentary breakfast alang sa duha sa sunod adlaw. Sugod lamang kini kagahapon hangtod ugmang adlawa nga promo.

Samtang kon bout nimong tibouk pamilya ang imong kauban ning kasaulogan sa gugma ang Cucina Higala adunay tanyag nga eksliaibong set sa ilang lamiang pagkaon.

Sa kantidad nga P599 matag tao matilawan na ang lamiang pagkaon sama sa Kalabasa Soup; Fried Vermicelli Spring Roll; Fried Wanton with Sweet Chilli Sauce; Tokwa't Baboy; Baby Squid Salad; chicken Barbecue Salad; Baked Cheesy Tanguige ug uban pa.

Duyugan sab dayon sa nindot nga musika gikan sa guest pianist ug violinist nga sila si Dave Alba ug John Carl Alrecha.

Malingaw sab imong pamilya ug higala karong adlawa tungod kay ang overlooking restaurant nga mao ang High Ridge nga nahimutang sa Upper Macasandig ang niselebrar og Laugh Out Love gikan sa alas 4 sa hapon paingon sa alas 12:00 sa gabii human guest nila ang Piyaok Band ug Eight Note Band. Mobalor sa P150 matag ticket niini.

Samtang kon makabarato ka ug trip nimo ang paboritong shakes dili na ka kinahanglan magpalibre tungod kay karong Valentine's day mitanyag og buy 1 free ang Crazy Shakes sa Back Yard Grill sa Pabayo ug Corrales Branch.

Pipila lamang kini sa mga restaurant, hotel ug resort denhi sa dapit nga mitanyag og promo karong adlawa apan daghan pa sa mga kan-anan.

Unsa pay gihulat....pa reserba na daan kay basin mahutdan sa balay nalang dayon ang ending. (SVB)

Gipatik sa mantalaang Superbalita Cagayan de Oro Pebrero 14, 2018.

View Comments