Todino: Matruma ang kabataan

Wednesday, February 1, 2012

NAKADAYEG ako sa programa karon sa Department of Social Welfare and Development (DSWD) kabahin sa ilang Barkada sa Barangay Program. Hinoon wala pa kini ipatuman sa tanan barangay sa nasod kay bag-o pa mang gi-aprobahan ang balaod nga Republic Act No. 5496 ang anti-bullying law.

Ang maong balaod nagsentro sa kabataan nga gidaog-daog sulod o gawas sa tunghaan. Daghang kabataan ang nabiktima niini sukad pa kaniadto apan wala kini mahatagig pagtagad. Apan karon adunay nay balaod nga nagproteher kanila. Hinoon dili man mabilanggo ang mga bata nga nagdaog-daog kay minor de edad pa man sila. Gawas pa linghod pa ang ilang panghunahuna ug normal kini sa nagtubo nga kabataan. Adunay mga batasan sa bata nga mohawod o magpatahod bisan sulod sa atong panimalay.

Have something to report? Tell us in text, photos or videos.

Adunay dautang epekto sa panghunahuna sa kabataan kon kanunay daug-daugon labina sa tunghaan. Makamugna kini og truma o nerbyos hinungdan ang bata dili na motungha. Hangtod sila magdako dala-dala nila ang bug-at sa ilang kasingkasing mugna sa hitabo. Mawagtang lamang kini kon sila makahimo usab ug pagdaog-daog sa ubang bata o batan-on. Sa laktod nga pagkasulti ma-relieved ang ilang gibati. Ilang pulong nga malitok pagkatapos ôda kabawos na lagi koö. Unsa man ang paagi sa pagdaog-daog? Sama pananglit sa pagsulti daotan sa bata, pagsumbag, pagbira-bira sa buhok sa kababayen-an, pagkuha sa ilang mga butang sama sa lapis, papel o lingkoranan. Pagkuwelyo sa senina, pagyagayaga ug uban.

Sagad sa gidaug-daug mga bata nga niwang ug mugbo. Unya ang pa-isog-isog tambok o taas ug tindog pero dili kaayo kahibalo sa klase. Sagad kanila dili successful sa ilang mga damgo inig kadako.. Busa mga mama badlonga ang inyong mga anak kon mahilig kining manghilabot sa ilang isig ka bata.

Ang mga bata nga biktima ingon man ang kusog kaayong mangdaog-daog ipa-ubos sa Barkada sa Barangay Program. Tudlo-an sila sa mga pamaagi paglikay sa truma ingon man pagpakighigala aron adunay makasuporta. Positive thinking kanunay ipasupot sa ginikanan aron makabaton ug pagsalig sa kaugalingon ang kabataan.

Hinumdoman sab sa mga magtutudlo ang ilang role sulod sa tunghaan isip ikaduhang ginikanan sa kabataan. Dili man gyod na mawala ang sumbong-sumbong sa mga bata sa ilang maestro normal kini bisan asa. Bisan sa mga ginikanan ana-a kini kanunay. Hinaot hatagan kinig positibong pagtagad aron walay negatibong epekto sa panghunahuna sa mga bata.

Mi-undang akog trabaho ug akoy nag-atiman sa akong anak hatod kuha sa tunghaan. Akong bantayan ang iyang kalihukan adlaw adlaw. Ang akong anak lalaki gitudlo-an og maayong pamatasan o values sama sa pagpa-ilob ug dili manghilabot sa bisan unsang butang. Apan nahulog hinoon nga siya ang giaog-daog bisan mga babaye mo-apil pod. Sahay blackeye lagi ang labas pero dili gyod siya mosukol.

Ana-a ako kanunay nagsuporta kaniya naglaban gikan sa mga bata nga manghilabot bisan gawas sa tunghaan. Karon dili na mahadlok ang akong anak kon adunay manghuilabot kaniya kay taas na siyag tindog maayo sab siya sa klase. Mga mama ang atong mga anak gihatag sa Ginoo kanato aron atimanon tutukan og maayo samtang sila nagdako. Kon Yaya man gani ang inyong gipaatiman sultihan ninyo sila sa pagtutuk sa bata ug suportahan labanan nila kini gikan sa magdaog-daog.Gaksa ang mga bata kon aduna silay problema. Dinhi nalang kutob. God Bless You All!