Emata: Ubang Pilipino walay buot

MAKAKATAWA ako usahay sa kaso ni Justice Renato Corona kay thrilling kaayo ug maayo ang media coverage poreso klaro kaayo ang kombati legal sa Senado. Dayag kaayo ang balaod nga dili pag hisgotan ang kaso samtang kini gitaral, apan dili mapugngan daghan uyamot ang mohisgut hisgut gihapon tiliwala sa maong kasabutan.

Usahay mura hinoon kon imo na makita ang padulngan sa trial kay gihisgotan naman lagi sa daghan nga katawhan apil na niini ang media. Badlongon sila ni Johnny Ponce Enrile, and Presiding Judge sa maong kaso apan murag walay naminaw ug nagpadayon gihapon ang walay hustong paagi. Ang uban senador, nga unta sila ang mga judges, mao usab ang badlongon hinoon ug magpakita man sa ilang bulok kon kinsay ilang gidapigan.

Pastilan kini nga kaso labihan ka formal unta kay hepe sa mahistrado sa Korte Suprema ang gitaral apan nahimo joker ug kolokoy tungod sa ubang tawo nga wala manumbaling sa balaodnon. Sig-iya man pakita sa arte nga sila maayong laki nga abogado o unsa ba kaha hinoon. Dili man kini matarung ug mao hinoon ang naka kuraw sa pagtaral sa kaso.

Ang atong hustisya kon korte nga nag taral kang Corona subra ka nindot sa kinaiya. Dili mag stricto sa mga siaw nga tawo. Gipasagdan lamang ang nag wild nga mga partisipantes mao nga usahay murag gubot ang talanawon sa hearing. Kon si Johnny Enrile strict pa, puede iyang ipagula sa senado
katong mga tawo nga magsamok samok lamang sa hearing. Ensigida iya unta kini ng ipalagpot. Iya man gipasagdan mao nga paka samok lamang hinoon.

Sa maong sestima sa hearing, murag gakasabtan na sa publiko nga si Corona ma absuelto sa maong kaso. Murag tataw na kaayo nga ang mga senadores mohatag kaniya sa kahigayonan nga magpadayon sa iyang trabaho agig usa ka hepe sa korte suprema. Kini tungod kay daghan na mga panagna ang gimugna sa katawhan nga si Corona ma libre sa iyang suliran.

Ang akong ikaamot sa maong bahin mao nga mag stricto gayud ang senado. Kon dunay medyo magpakita ug arte o magpatoo nga sila mga sikat, kinahanglan ipalagpot dayon sa gawas sa senado ug dili na ipasulod pa. Niini nga paagi mo respeto na ang mga tawo sa dignidad sa senado nga nagkupot sa kaso ni Corona. Simply lang kaayo ang paagui ug molotaw na ang dignidad sa senado.