Luczon: Baha, sunog | SunStar

Luczon: Baha, sunog

Time to read
1 minute
Read so far

Luczon: Baha, sunog

Monday, October 16, 2017

SUBO huna-hunaon ang kahimtang nga na baton sa pipila ka mga residente sa Barangay 26 diri sa Cagayan de Oro.

Niining tuiga lankabalayanNakabg, nakasinati na kini og pag baha kaduha niadtong Enero; ug sa milabay nga adlaw, Oktubre 12, Huwebes, giugdaw ang ilang mga panimalay sa sunog.

Maayo na lang inig kagabii abtik nga mi responde ang lokal nga panggamhanan ug nahatagan sila’g ginagmay’ng ayuda ug pagkaon, apan nanginahanglan pa gihapon ang kadaghanan og hinabang labi na ang uban nawad-an na og panginabuhian tungod sa sunog.

Hinaot duna pa’y mga grupo o pundok nga motabang kanila aning mga panahon nanginahanglan sila.

***

Sa maong adlaw nga nasunog ang mga kabalayan sa Barangay 26, mao sab ang adlaw nga nakab-ot sa lokal nga panggamhanan sa Cagayan de Oro ang Galing Pook Award.

Mismong si Mayor Oscar Moreno, inubanan ang iyang mga opisyales ug empleyado sa City Hall, ang midawat sa pasidungog.

Gi presenta ni Moreno ang proyekto kung asa gi-buhat sa lokal nga goberno ang paghatag rehabilitasyon sa mga na-apektuhan sa bagyong Sendong niadtong 2011.

Bisan pa niadtong tuiga ang mayor nga galingkod mao si Vicente “Dongkoy” Emano, apan ang maong katalagman maoy hinungdan nga napildi siya mi Moreno sa piniliay niadtong 2013. Ug bisan sa unang tuig ni Moreno nagpabilin gihapon ang ubang mga isyu mahitungod sa kahimtang sa mga biktima sa Sendong labi na sa pa-bahay.

Sa panahon usab ni Moreno, nga gobernador sya, nga nakab-ot sa probinsya sa ang susamang pasidungog.

Hinaot nga makadasig kini sa katawhan, labi na sa matang nga dili na unta sila mag dinamak ug magpataka og hugaw hugaw sa mga kadalanan; ug mag matngon na usab sa pag sunod sa mga balaod sa trapiko.

Gamay’ng butang, dako ang matabang.

***

(Nefluczon@gmail.com)

Gipatik sa mantalaang Superbalita Cagayan de Oro Oktubre 16, 2017.

View Comments