Barko sa Trans Asia nalunod, 151 luwas

-A A +A

Sunday, July 31, 2011


NALUWAS ang tanang 107 ka mga pasahero ug 44 ka mga opisyal ug tripulante sa mv Asia Malaysia sa Trans-Asia Shipping Lines nga nalunod sa lawod duol sa Kalabasa island sa Bay-ang, Culasi, Ajuy, Iloilo kagahapon sa kaadlawon.

Basi sa manifesto sa mv Asia Malaysia, dunay 106 ka hamtong nga mga pasahero ug usa ka masuso ang luwan sa barko dihang nigikan sa Pier 5 sa Sugbo, alas 6:00 sa gabii, niadtong Sabado ug gikatakdang modunggo sa pantalan sa Iloilo, alas 7:00 sa buntag kagahapon.

Si Commander Rolando Lizor Punzalan, station commander sa Cebu Coast Guard (CCG), nagkanayon nga maayo ang kahimtang sa panahon sa Sugbo dihang nibiya ang mv Asia Malaysia paingon sa Iloilo.

Advertisement

Basi sa pasiunang report nga nadawat sa CCG, naaberya ang barko gumikan sa dagkong mga bawod ug kusog nga hangin samtang naglawig sa kadagatan duol sa Calabasa Island hinungdan sa pagtakilid sa tuong bahin ngadto sa 35 degrees starboard sa wala pa hingpit nga nalunod alas 8:34 kagahapon sa buntag.

Nasuwertehan ang mvAsia Malaysia gumikan kay dunay laing mga barko ang naglawig duol sa rota niini ug naluwas ang mga pasahero sa wala pa kini malunod.

Sa report sa Coast Guard Iloilo, 22 ka mga pasahero ang na-rescue sa fast craft sa Philippine Coast Guard (PCG), 41 naluwas sa mv Asia Pilipinas sa Cokaliong Shipping Lines ug lain pang mga pasahero ang na-rescue sa tanker ship nga LCT Philippine Visayas.

“Passengers and crew are all-accounted. Walang naiulat na may nasaktan o namatay sa nasabing pangyayari,” pahayag ni Punzalan.

Si Punzalan sa pakighinabi sa Sun.Star Superbalita kagahapon nagkanayon nga dili overloaded ang maong barko sa Trans-Asia sanglit 551 ang maximum passenger capacity niini.

Gipaabot nga mosumitir og marine protest ang kapitan sa mv Asia Malaysia nga si Romualdo Geraldizo alang sa himuong marine inquiry sa PCG subay sa pagkalunod sa nahisgutang barko.

Atol ning pagsuwat, ang Trans Asia Shipping Lines, kompaniya nga nagbase sa Sugbo, wa pa mohatag og opisyal nga pamahayag bahin sa hitabo.

Samtang si Ramon Liwag, vice admiral sa PCG, nagkanayon nga sila si Presidente Benigno Aquino III ug Transport Secretary Manuel “Mar” Roxas II dali nga nanawag ug nagpakisayod sa kahimtang sa mga pasahero.

Usa ka helicopter ug barko ang padayon nga nag-monitor sa area aron padayunon ang pagpangita sa mga na stranded nga pasahero.

Nidugang si Liwas nga ang mga response group gipakatap aron sa paghipos sa mga marine pollution resulta sa pagkalunod.

Kahinumdoman, laing barko sa samang kompaniya, mv Asia South Korea, nasangad ug nalunod duol sa isla sa Bantayan sa Sugbo niadtong Disyembre 23, 1999.

Ang mv Asia South Korea gikan sa Iloilo padung sa siyudad sa Sugbo dunay sakay nga kapin sa 800 ka mga pasahero - 769 naluwas ug ang 54 namatay. (Gikan sa wires)

Gipatik sa mantalaang SuperBalita Cebu Agosto 01, 2011.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Cebu's front page for November 27, 2014
Sun.Star Jobs
  • Festivals
  • Pnoy
  • Filipino Abroad
  • Obituary
  • Technology
  • Pacman blog
  • ePaper
  • Sunstar Multimedia
  • Philippine Polls
  • Sun.Star Zup!
  • tell it to sunstar
  • Sinulog
  • goodearth
  • Habemus Papam
  • SunStar Celebrity
  • Calamity Report