36 nakagawas na
-A A +ASaturday, September 3, 2011
NAKAGAWAS na sa bilanggoan ang tanang 36 ka mga mag-uuma ug tulo ka mga tinun-an sa University of the Philippines human makapiyansa sa mga kaso nga ilang giatubang human sa nahitabong riot batok sa mga pulis labot sa bangi sa yuta sa Barangay Bonbon lungsod sa Aloguinsan.
Unang nakagawas sa prisohan sa Pinamungahan police station ang mga babayeng UP students nga sila si Melanie Montanio ug Remy Jade Manson niadtong Huwebes ug Biyernes sa buntag human makapiyansa.
Sunod ang 18 ka mga babayeng mag-uuma niadtong Biyernes sa gabii gikan gihapon sa Pinamungahan.
Matod ni Armand Perez, secretary general sa Bayan Muna nga nakagawas na usab ang tulo ka mga menor-de-edad gikan sa Operation Second Chance sa Cebu City Jail kagahapon sa buntag.
Ug ang katapusang nakagawas ang 16 ka hamtong nga mga lalake gikan sa Cebu Provincial Detention and Rehabilitation Center sa Barangay Kalunasan syudad sa Sugbo alas 2 sa hapon kagahapon.
Si Perez nibutyag sa pakighinabi sa Sun.Star Superbalita nga miabot og kapin sa P300 mil ang nabayran nga piyansa diin ang kwarta hinatag ni kanhi Senador John “Sonny” Osmeña.
Gipatik sa mantalaang SuperBalita Cebu Septembre 04, 2011.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
