Negosyante gidunggab sa silingan
-A A +ASunday, November 13, 2011
USA ka negosyante ang gidunggab sa iyang silingan sa Camella Homes sa Lawaan I, dakbayan sa Talisay, ala 1:50 kagahapon sa hapon atol sa away nila ni Manny Pacquiao ug Mexican challenger Juan Manuel Marquez.
Ang suspek nadakpan sa kapolisan kinsa nabun-og human gitabangan og kulata sa mga estambay sa dapit.
Ang biktima nga nakaangkon og usa ka samad dinunggaban sa wa’ng bahin sa iyang lawas ug laing tulo sa wa’ng bukton mao si Cenon Yabut, 42, minyo nga nagpuyo sa nahisgutang lugar.
Si PO2 Jason del Campo, desk officer sa Talisay police, niila sa suspek nga si Juniberto Toquero Albios, 32, minyo, silingan sa biktima.
Sa imbetigasyon ni SPO4 Daniel Tarucan nagbutyag nga mopalit unta og beer si Albios sa tindahan ni Yabut.
Apan gibalibaran kini sa biktima tungod sa kahubog na sa suspek, busa nasuko ang naulahi ug nisangko sa pagpanunggab.
Gipatik sa mantalaang SuperBalita Cebu Nobiembre 14, 2011.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
