Hulga sa terorista

Sunday, January 8, 2012

NIAWHAG si Presidente Benigno Aquino III kagahapon sa mga deboto sa Black Nazarene sa Quiapo bahin sa posible nga pag-ataki sa mga terorista sa prosisyon karong adlawa.

Dinhi sa Sugbo, ang kapulisan sa lalawigan sa Sugbo nipatuman sa ‘full alert status’ kini agig pagpangandam sa Sinulog grand parade.

Have something to report? Tell us in text, photos or videos.

Gitumbok sa presidente ang iyang nadawat nga taho gikan sa mga tigpaniid sa awtoridad.

“There are several individuals associated with a terrorist group. There is a report that they were spotted in the National Capital Region,” matod ni Aquino sa press briefing sa Malacañang kagahapon.

Ang presidente wala mohatag og igong detalye sa taho apan gihulagway niya nga “heightened risk” sa prosisyon ug nidason nga lokal nga grupo sa mga terorista ang hulga.

"I’m not saying that the probability has increased dramatically but there has been an increase and we would not want to unduly increase the risk to our populace that’s why we’re coming up with this warning," dugang sa presidente.

Gibanabana nga moabot og wlo la milyon ka deboto sa Black Nazarena ang moapil sa prosisyon karon nga giubos sa awtoridad nga “maximum vigilance.”

Apan, ang presidente nihangyo sa mga deboto nga magpundo na lang sa balay sa ilang pag-ampo.

“If they can accept that as an alternative, they can consider that to lessen the risk,” duhang ni Aquino.

Samtang gibutyag sa pangulo sa Cebu City Police Office (CCPO) Sr. Supt. Ramon Melvin Buenafe nga ang sento porsiyento na silang andam alang sa dakong kalihukan sa dakbayan sa Sugbo.

Si Buenafe, nahinabi sa dyRC atol sa tulomanon Police Line-up, niingon nga sugod karong adlawa full alert status na ang tibuok lalawigan.

Kini nagpasabot nga ang tanang kuwerpo sa kapulisan dili lang sa dakbayan apil na ang mga silingang siyudad ug mga silingang siyudad ug lungsod mohingusog sa ilang pagpahigayon og mga checkpoint.

Kini aron pagsiguro nga walay mga dautang mga elemento nga makapahimulos sa higayon, samtang nagpadayon karon ang ilang pagpatuman sa special gun ban.

Sa gipagawas nga kamandoan ni Senior Supt. Louie Oppus, deputy regional director for operations, samtang ang kapulisan sa lalawigan naa sa full alert stastus.

Ang kadto usab nga mga silingang lalawigan ubos sa Police Regional Office (PRO) gibutang usab sa heightened alert.

Si CPPO Director Senior Supt. Buenafe niingon nga silang kapulisan sa dakbayan sa Sugbo dugay nang naandam tungod kay bisan layo pa ang kapistahan sa dakbayan sa Sugbo ila naman kinig gipangandaman.

Kini tungod kay nagpaabot sila og kapin pa sa 4 milyones ka mga tawo ang mohugop sa piyesta sa Senyor Sto. Niño.

Gani, dili lang ang kalihukan sa Sinulog grand parade ang naandam na nila kon di apil na usab ang fluvial parade ug ang prosisyon nga himuon karong Sabado sa Mactan channel.

Gibutyag ni Buenafe nga sama sa gihapon silang kapulisan sa dakbayan sa Sugbo mibutang gihapon og duha ka mga bus nga magsilbig temporary nga detention cell sa mga malapason atol sa Sinulog. Wires