Wa makawati tungod sa alarm system
Monday, January 9, 2012
TUNGOD sa alarm system, mga kawatan nagdinaganay pagsibat gikan sa ilang gilungkab nga usa ka estabisemento sa dakbayan sa Mandaue.
Pasado alas 8 sa buntag niadtong Dominggo, ang Yasco Motor Parts nga nahimutang sa dalan Rizal, Barangay Basak ug gipanag-iya ni Roger Uy, ang gilungkab sa mga batan-ong lalake.
Have something to report? Tell us in text, photos or videos.
Matod sa kapulisan nga ang mga sakop sa Mobile Patrol maoy nakadawat sa alarma hinungdan nga dali silang ningresponde.
Sa ilang pag-abot wa na diha ang mga kawatan apan abli na ang roll-up door sa establisemento.
Ang tag-iya nga kapin pa sa oras nga niabot sa iyang establisemento nikompirmar nga abli na gyod ang ilang tindahan sa iyang pag-abot.
Sa dihang iyang gisusi ang cash drawer, wa kini maablihi tungod kay nitingog ang ilang alarm system.
Tungod sa pagtingog, nangaratol ang mga kawatan mao nga daling nakasibat nga way nadala.
Sa dihang ilang gisusi ang gibutang nga CCTV camera, aduna gayoy nakitang mga tawo nga ningsulod sa tindahan.
Mao kini karon ang giila sa kapulisan kon si kinsa ang mao nga mga tawo.
Ang pangulo sa Theft and Robbery Section (TRS) sa Mandaue City Police Office (MCPO) nga si Insp. Ramil Morpos niingon nga ang ang gibutang nga alarm system nakapakgang sa pagpangawat.
Kini nagpakita lang nga dako og matabang ang alarm system sa higayon nga adunay dautang tawo nga mosulod sa usa ka tindahan.
Hinungdan nga nanawagan siya sa tanang mga magpapatigayon nga mobutang og mga alarm system ug mga CCTV camera sa ilang establisemento aron kapugngan ang krimen.
Gipatik sa mantalaang SuperBalita Cebu Enero 10, 2012.
Balita
- Inahan, ig-agaw sa pugante gidakop
- Mag-birthday party alang sa 3-anyos nga gihaya na
- 15 mil ka trabaho ang mamugna
- Nadaut sa komedya
- 2 ka bata gianod sa baha, 1 namatay
- Tom `incompetent’
- Inahan sa puya nga gikaon sa iro nadakpan
- Wakee modagan batok Sitoy?
- 59 ka mga taga Tuburan gituohan nga gitipdas
- 4 ka magsuon nahilo sa butete




