Wa toy bulok pulitika: Gwen

Thursday, January 19, 2012

WA makauyon si Gobernador Gwen Garcia nga gisagulan og pulitika ang ilang panag-uban ni Cebu City Mayor Mike Rama sa usa ka speed boat atol sa fluvial procession niadtong Sabado sa miaging semana.

Ang gobernador nisalindot usab sa nigawas nga report sa usa ka mantalaan nga naghisgot na sila og pulitika sa mayor sa maong relihiyusong kalihukan tungod kay matod niya ang iyang gipasabot mao ang panaghiusa sa dakbayan ug lalawigan sa Sugbo alang sa kalambuan sa tanan.

Have something to report? Tell us in text, photos or videos.

“That was all about being in one boat (during sa fluvial). Everything was said in gist and i think it was not the right time to talk about politics...I find it entirely in bad taste that they should link our being together during fluvial and put in politics,” pahayag ni Garcia dihang nahinabi sa mga tigbalita atol sa Suroy-Suroy Sugbo sa lungsod sa Samboan kagahapon.

Sa nigawas nga report sa Sun.Star Cebu kagahapon, ang gobernador nipahibawo sa iyang desisyon nga makighiusa ni Rama sa umaabot nga eleksiyon sa sunod tuig atol sa ilang panag-uban og sakay sa usa ka speed boat sa fluvial parade.

Suma pa ni Garcia nga wa pa gyud sila maghisgot sa mayor bahin og pulitika gumikan sa ka solemne sa kalihukan.