Truck ban ipatuman sa Mandaue sa Lunes

Friday, January 20, 2012

SUGOD karong Lunes ipatuman na ang ban sa mga dagkong sakyanan nga may gibug-atong 4,500 kilos pataas sa mga dagkong kadalanan sa dakbayan sa Mandaue.

Ang tuyo sa truck ban mao ang pagpaluag sa dagan sa trapiko matag peak hour sulod sa dakbayan.

Have something to report? Tell us in text, photos or videos.

Ipahigayon sugod karong Enero 23 ang 60-day dry run sa ban sa mga truck, vans, trailers, mixers, ug tankers sugod sa alas 6 sa buntag hangtod alas 8 sa buntag ug alas 5 sa hapon hangtod alas 8 sa gabii.

Ilang plano nga ipatuman kini sa tanang adlaw gawas lang sa Dominggo ug mga holiday.

Kini subay sa amended resolution number 12-963-2011 kun pagtugot sa team sa pagpahigayon og 60-day dry run nga nagdili sa pagsulod sa mga dagkong truck sa major thoroughfares sa Mandaue.

Matod sa hepe sa Traffic Enforcement Agency of Mandaue (TEAM) Edwin Ermac nga di sila mohatag og alternative route ngadto sa i-ban nga truck.

Hinuon tagaan una sila ug duha ngadto sa tulo ka semana nga makahunong sa boundary sa Mandaue City pagpaabot nga mamahimo na silang maka-agi.

Dugang usab ni Ermac nga nakig-alayon na sila ngadto sa kagamhanan sa lungsod sa Consolacion ug sa syudad sa Sugbo mahitungod sa pagpatuman sa maong ban.