Duha ka construction workers nag-unay sulod sa karaoke bar

Sunday, January 22, 2012

NAG-UNAY og kombati ang mga construction workers sulod sa karaoke bar sa dakbayan sa Lapu-lapu.

Kini nahitabo pasado alas otso sa gabii sa Sityo Masiwa, barangay Marigondon.

Have something to report? Tell us in text, photos or videos.

Ang biktima gilla nga si Felix Ortega, 25 anyos, ulitawo nga taga barangay Agus sa maogn dakbayan samtang ang gikatahapon giila nga si Ronald Bonne, 32, taga Campo-8, siyudad sa Toledo ug kauban ra usab sa biktima.

Sigon sa taho nga niadtong Sabado, adlaw sa tingsuweldo, human sa ilang trabaho, tagsa-tagsang nag-inom ang duha sulod sa karaoke bar sa managlahing lamesa.

Matod pa, nga ang biktima adunay gikauban nga babaye sa iyang lamesa samtang ang suspetsado nag-inusara lang.

Apan sa unsang pagkaunsaa nga kalit man lang giduol ni Bonne si Ortega ug sa way daghang pangutana gidunggab kini sa way igong hinungdan.

Maayong pagka-igo sa tuong lusonglusong duol sa liog ang biktima ug dali dayon kining gidala sa Lapu-Lapu City Hospital.

Ang suspetsado wa makasibat og layong dapit ug nasikop ra usab dayon kini sa dihang mitubag sa alarma ang kapulisan.

Sa imbestigasyon, milutaw nga posibling nagselos o nasuya ang suspetsado tungod sa gika-table sa seksing gika-table sa biktima. Posibli usab nga ang sigi og kanta-kanta kanta mao usab ang gikasuyaan niini.