Batan-ong kandidato

Saturday, January 28, 2012

KON si Kongresista Tomas Osmeña maoy papilion, wa nay luna sa iyang han-ay sa mga konsehal ang edaran nga mga pulitiko nga gustong magpapili sa 2013 elections.

Iyang gipadayag nga gusto niyang magpapili mao ang mga batan-on nga i-atbang sa mga kaalyado ni Mayor Michael Rama.

Have something to report? Tell us in text, photos or videos.

Matod pa niya nga di siya maglisod unya sa mga batan-on bisan pa man kon gamay ra og kasinatian kay iya man kining bansayon.

Apan mas maayo gyud hinuon ang adunay mas halapad nga kasinatian.

“I want younger people. I’m trying hard because they don’t have to know much. I will train them by myself. Like I trained the mayor management team (MMT) and giving them direction. If they have a good social experience, it is a big plus factor,” padayag ni Osmeña

Nakapuntos niini sila Konsehal Alvin Dizon ug Nida Cabrera nga nakadawat sa pagdayeg sa kongresista.

Gibutyag sa kanhi mayor nga adunay kanhi konsehal nga hamtong na nga nipadayag nga molansar apan wa niya dawata ug gitanyagan ang anak niini apan way hilig sa pulitika.