Sikyu naunay sa iyang armas

Sunday, January 29, 2012

USA ka security guard ang nidangat sa tambalanan human maunay sa iyang shotgun.

Ang biktima mao si Jurjilino Adlawan Jr., 23, ulitawo,  sakop sa Wolforce Security Agency ug nagbantay sa Red Coco Restaurant sa Barangay Pajac, dakbayan sa Lapu-Lapu.

Have something to report? Tell us in text, photos or videos.

Sa imbestigasyon sa kapulisan, pasado alas 10:00 sa gabii niadtong Sabado, nag-duty ang guwardiya.

Sumala sa kaubang security guard nga si Gilbert Catubig, nikuha sa armas aron susihon human giingong adunay depekto apan kilit kining nibuto.

Hinungdan sa pagkaigo ni Adlawan sa iyang duha ka mga tiil gikan sa mga tipaka sa balay sa shotgun. 

Ang biktima daling gidala sa tambalanan ug ang nidala kaniya mao ra usab ang iyang kaubang guwardiya.

Walay plano ang biktima nga mopasakag kiha ngadto sa iyang kaubang security guard.

Sa laing bahin, naigo sa ulo ang usa ka lalake human gipusil sa iyang silingan sa lungsod sa Consolacion.

Ang nidangat sa Vicente Sotto Memorial Medical Center (VSMMC) mao si Rufino Baculi Jr., 35, ug taga sityo Bagakay, Barangay Tayud.

Ang nipusil kaniya nga iya ra usab nga silingan mao si Rustinel Basan, 32 anyos.

Pasado alas 12:00 sa tungang gabii niadtong Sabado ang biktima niatang sa gikatahapan dala ang barbeque stick hinungdan nga giunhan kini sa pagpusil sa gikatahapan ug matod pa natapsingan ang ulo niini hinungdan sa pagkadangat sa tambalanan.