17 ka classrooms sa Mandaue gibiyaan

Wednesday, February 8, 2012

GIBANA-BANA nga moabot sa 17 ka mga classroom sa nagkadaiyang mga tunghaan sa dakbayan sa Mandaue ang wa na gipagamit tungod kay kuyaw nga mahugno ug dilikado sa kabataan.

Hinuon daling giklaro sa Department of Education (DepEd) sa Mandaue city nga bisan paman niini nagsugod na ang ilang klase sa tanang tunghaan kagahapon tungod kay nangita man silag laing lugar nga klasehan.

Have something to report? Tell us in text, photos or videos.

Si Kosehal Demetrio Cortes, chairman sa committee on education, nibutyag nga ang mga tunghaan nga ilang nasusi og adunay mga classroom nga di na luwas nga klasehan sa mga bata mao ang Don Gerardo Llenes Ouano Memorial National High School, Opao Elementary School, Umapad Elementary School, Paknaan Elementary School, Labogon Elementary School, ug National High School, Bakilid Elemntary School, Banilad Elementary School, Cabangcalan National High School, Don Calixto elementary School, Casili Elemntary School, Paqgsabungan Elementary School, ug National High School, Tingub Elementary School, Tabok Elemntary School, ug Mandaue City Comprehensive National High School.

Ang pagsusi gihimo sa city engineering officials ug sa mga district supervisor diha sa dakbayan sa Mandaue.