16-anyos gitipi

Saturday, February 11, 2012

MENOR de edad nga lalakeng tinun-an nga gikan nga naghatod sa iyang uyab gipusil patay pasado alas 4 kagahapon sa kaadlawon sa dalan Salvador, Barangay Labangon, dakbayan sa Sugbo.

Ang biktimang nakaangkon og samad pinusilan sa iyang suwang ug namatay giila sa kapulisan nga mao si Joseph Reterior, 16, tinun-an sa 1st year high school sa Don Sergio Osmeña National High School sa Labangon, taga Calejon sa mao nga barangay.

Have something to report? Tell us in text, photos or videos.

Ang gitumbok nga namusil mao ang duha ka mga batan-ong lalake nga sakay sa usa ka motorsiklo.

Matod ni PO3 Geofrey Gutual sa Homicide Section sa Cebu City Police Office nga naglakaw ang biktima uban sa iyang mga higala, gikan naghatud sa uyab sa biktima nga si Lyka aron pasakyon og PUJ.