Banca diriyot gyud malunod

Saturday, February 11, 2012

USA ka motorbanca gikan sa Cebu nga puno sa mga sakay nga sakop sa Philippine Red Cross nagdalag mga hinabang paingon sa Negros Oriental hapit malunod human nakasugat og dakong bawod ug hangin sa kadagatan sa La Libertad sa mao nga lalawigan.

Ang operator ug ang kapitan sa motorbanca ipailawom sa imbestigasyon human wa mananghid sa ilang pagbiya sa pantalan sa lungsod sa Ronda.

Have something to report? Tell us in text, photos or videos.

Mga rescue team gikan sa Philippine Coast Guard (PCG), helicopter sa Philippine Air Force (paf) ug mga motorbangka sa lugar ang daling ni-rescue.

Si Cebu Coast Guard Station Commander Rolando Punzalan nga nahinabi sa Sun.Star Superbalita niila sa motorbanca nga Agape nga adunay walo ka mga crew samtang ang ilang kapitan giila nga si Jovito Iyac, taga barangay Cantupa, La Libertad, Negros Oriental.

Gawas sa mga crew aduna kiniylaing 80 ka mga sakay nga volunteer ug sakop sa PRC nga gikatahong paingon sa lungsod sa La Libertad aron paghatod sa ilang dala nga 40 ka sakong bugas, 100 ka karton sa mineral water ug 50 ka karton sa sardinas.

Apan 45 minutos gikan nibiya sa lungsod sa Ronda, paghiabot sa kadagatan sa barangay Cantupa, ang motorbanca nakasugat og kusog nga hangin ug dakong bawod. DRT
Nabali ang walang katig nga miresulta sa hapit pagkalunod, apan daling naka-rescue ang duha ka mga gagmayng motorbanca sa lugar, samtang niabot usab ang tulo ka mga helicopter sa PAF ug rescue team.

Matod ni Punzalan nga ang dapit nahitaboan dili na kaayo layo sa baybayon ug luwas kining niabot didto sa La Libertad alas 4:05 kagahapon sa hapon.

Hinuon giklaro ni Punzalan ngamohimog silag inbestigasyon sa hitabo tungod kay ilang nasayran nga nibiya ang motor Bangka sa lungsod sa Ronda nga wala mananghid sa ilang buhatan.

Nidugang si Punzalan nga mohimo pa usab silag pakisusi labot sa operator niini tungod kay base sa ilang gihimong pakisusi didto kini narehistro sa ilang buhatan sa Negros.

Lakip sa ilang susihon kon pilay capacity sa motor bangka kon dib a kini overloaded tungod sa kadaghan sa mga sakay ug sa ilang gidalang mga karga.