Gipatay sa kauban tungod ra sa P50 nga pilde sa hantak

Saturday, February 11, 2012

TUNGOD lang sa P50, gipatay sa usa ka mason ang iyang kauban nga construction worker atol sa ilang sugal nga hantak pasado alas 12 sa miaging tungang gabii sa upper Ranudo, Barangay Cogon Ramos, dakbayan sa Sugbo.

Ang biktima nga na­kaangkon og samad di­­nunggaban sa iyang dug­­han giilang mao si Bernard Morijon, 24, lumad nga taga Mindanao, og stay in worker sa maong gitukod nga edipisyo.

Have something to report? Tell us in text, photos or videos.

Ang gitumbok nga suspek giilang mao si Artemio Flores, 42, taga Poblacion, lungsod sa Badian.

Sa pasiuna nga imbestigasyon nga gihimo sa mga sakop sa Homicide Section nagbutyag nga gikan nag-inom ang biktima ug suspek uban sa ilang mga kauban.

Nagduwa kini og hantak hangtod nga niabot sa punto nga nagkalalis ang duruha.

Matod pa sa mga kauban nga wa mobayad sa iyang pilde nga P50 ang biktima ug maoy gikasuk-an sa suspek.

Nibiya sa dapit ang biktima aron matulog apan gisundan kini sa suspek ug gidunggab sa dughan.

Human sa insidente, misibat si Flores ug wa na maabti nangrespondeng mga pulis.

Samtang ang biktima gidala sa iyang mga ka­uban sa Vicente Sotto Memorial Medical Center (VSMMC) apan gi­dek­larar nga dead on arrival (DOA).