Bangka nalunod

Sunday, February 12, 2012

USA ka bangka nga de motor nga dunay sakay nga upat ka mga tawo ug nagkarga og mga mantalaan ang nalunod sa Tañon Strait sa tungatunga sa mga dakbayan sa Toledo sa Sugbo ug San Carlos sa Negros Occidental niadtong Sabado sa alas 2:00 sa kaadlawon human gihapak sa dagkong bawod.

Ang bangka, Mary Sunshine, nagdala og mga lokal nga mantalaan nga ilang ihatod sa Negros Occidental, nibiya sa puwerto sa Toledo sa alas 1:30 sa kaadlawon.

Have something to report? Tell us in text, photos or videos.

Gikataho nga ang bangka way clearance gikan sa Coast Guard sa wa pa molawig.

Hinuon, ang upat nga sila si Mario Montemayor, 45; Edgardo Casilac, 46; Lendon Carcusia, 28; ug Marlon Manigos, 24, luwas nga nakalangoy padung sa baybayon sa Bato, Toledo pinaagi sa ilang life jackets. (Sun.Star Cebu)