Barangay girekomendar sa MGB nga biyaan

Monday, February 13, 2012

GIREKOMENDAR sa Mines and Geosciences Bureau sa Central Visayas nga dili na papuy-an og mga tawo ang tibuok barangay Vive sa lungsod sa Ronda.

Gihimo kini sa MGB-7 human ang team sa mga senior geologists niini nihimo og laing site assessment sa Barangay Vive human mitay-og ang 6.9 magnitude nga linog sa Sugbo ug ubang bahin sa Kabisay-an niadtong Pebrero 6 nga niresulta sa pagkatay sa mga liki sa yuta sa bakilid nga bahin sa bungtod sa amihanan sa barangay center sa Barangay Vive.

Have something to report? Tell us in text, photos or videos.

Sa initial nga assessment nasuta nga ang pagpangliki sa yuta niabot na sa gibanabana nga gitas-on nga 440 aerial meters sa kinatumyan sa bungtod.