`Gikulata, giguroy’ sa pulis sa station

Tuesday, February 14, 2012

PULIS nga sakop sa Cebu City Police Office (CCPO) giakusahang nangulatag crew sa usa ka fastfood chain ug giingong gibinaboy dihang giguroy paingon sa Minglanilla Police Station sa miaging semana.

Ang pulis giingong nilaban sa babaye nga kapuyo sa biktima. Ang kapuyo giingong 2nd degree cousin sa pulis.

Have something to report? Tell us in text, photos or videos.

Si Jake Anthony Anga, 23, taga Lawaan 2, dakbayan sa Talisay, crew sa Mang Inasal Minglanilla Branch, nireklamo tungod sa iyang kauwaw sa mga tawo dihang giingong gikulata ug gibinaboy sa pagguroy ni PO1 Binerando Bacalso, sakop sa Mabolo Police Station (CCPO).

Si Bacalso gisuwayan sa pagkuha sa iyang habig apan nagsige lang og bagting ang iyang cell phone, ug way nitubag.

Ang biktima nagpa-blotter niadtong Sabado sa udto sa Minglanilla Police Station human sa hitabo niadtong Biyernes sa udto sa iyang gitrabahoan.

“Himoan tika og criminal records ug kaya tikang ipa-dismantle,” kutlo ni Anga sa sulti ni Bacalso kaniya dayon gisukmag siya ug gipusasan nga giguroy paingon sa Minglanilla Police Station aron ipapriso.