Camarillo midawat sa legislative award; Abellanosa mihangyong ACT di ilakip

Wednesday, February 22, 2012

GIPASIDUNGGAN ka­gahapon ang kanhi officer-in-charge sa City Treasurer’s Office sa konseho nga si Tessie Camarillo.

Ang legislative award nga most outstanding individual may kalambigitan sa pagsaulog sa ika-75 nga Charter Day sa dakbayan sa Sugbo.

Have something to report? Tell us in text, photos or videos.

Si Camarillo nga nanglugmaw ang luha sa mga mata tungod sa kalipay, nidawat sa plaque of appreciation uban ang iyang mga sakop sa pamilya atubangan sa 13 ka mga konsehal ug
kang Bise-Mayor Joy Augustus Young.

Sila si Konsehal Edgardo Labella, Jose Daluz III, ug Eduardo Rama wa makatambong.

Si Camarillo gipasidunggan gumikan sa iyang pakigtambayayong sa konseho sa budget hearing niadtong Nobyembre 4 ngadto sa 8 ug sa iyang ka ligdong nga pagtug-an sa konseho nga di makuha sa syudad ang P11.8 bilyones nga gipangayo ni Mayor Michael Rama.

Matod pa ni Camarillo nga di siya guilty sa pagdawat sa award ug proud siya niini sanglit karon pa nakita ang iyang paningkamot suds a 14 na ka mga tuig nga
pangatungdanan.

Dugang pa niya nga bisan paman sa mga pagsaway nga iyang nadawat magpadayon siya pagserbisyo sa dakbayan.

Samtang sa pikas nga bahin, si Konsehal Rodrigo Abellanosa, presidente sa Asian College of Technology (ACT) nihangyo sa Sangguniang Panglungsod nga di iapil ang ACT sa paghatag og plaque of appreciation sanglit di kini maoy tuyo sa nominasyon sa Cultural and Historical Affairs Commission (CHAC) ug sa konseho.

Ang konsehal nagkanayon nga bisan paman kon gisalikway ni Mayor Michael Rama ang paghatag og pasidungog sa iyang tunghaan, magpadayon siya sa pagserbisyo hilabi na sa pagpanawat og Cebu city scholars gikan sa mga public high school.

Ang ACT giindurso sa Association of Barangay Council (ABC) ug Kalipi nga pasidunggan gumikan sa pagtambayayong sa dakbayan pinaagi sa pagpatungha sa kapin sa 3,000 ka scholars.