Naproblema sa pamilya misaka sa poste, naluwas

Wednesday, February 22, 2012

USA ka mag-uuma nga taga siyudad sa Danao gustong magkapamatay pinaagi sa pagkatkat sa usa ka lamppost kagahapon sa buntag sa dakbayan sa Mandaue.

Hinuon daling na-rescue sa kapulisan ug kabomberohan sa siyudad sa Mandaue si Rio (di tinuod niyang ngan) human nikatkat sa lamppost nga nahimutang sa center island sa M.C. Briones st., Barangay Guizo, sa maong siyudad.

Have something to report? Tell us in text, photos or videos.

Pasado alas 10 ka­gahapon sa buntag na­dawat sa kapulisan ang taho nga nagplanong magpakamatay si Rio, lumad nga taga Sityo Tubigon, Barangay Santikan sa siyudad sa
Danao.

Ilang nasuta nga gikaaway ang kapuyo niini tungod sa pinansyal nga suliran ug naa pa gyud ang usa nila ka gamay pang anak sa Vicente Sotto Memorial Medical Center (VSMMC) na-ad­mit.

Daling niresponde ang kapulisan ug kabom­berohan aron sa pag-rescue kang Rio.

Human sa pipila ka minutos, nakuha ra si Rio gikan sa poste ug gidala sa Police Station 1.

Matod ni Rio nga nawad-an siya sa iyang panghuna-huna tungod sa kadaghan sa iyang problema nga giatubang.

Lakip na ang problema sa iyang 3 anyos nga anak nga anaa sa VSMMC ug sa iyang pagduda nga adunay laing lalake ang iyang ka-live-in.

Matod niya nga nagbasol siya sa iyang gibuhat kay duna pa siyay mga anak nga atimanon. 

Matod ni P01 Ariel Gingco nga posibleng pasakaan og alarm scandal si Rio, kinsa kasamtangang itanggong sud sa dose ka oras.

Kon way moreklamo batok kaniya, mamahimo ra kini nga makagawas sa police station.