Ika-4 nga sunog miigo
-A A +ATuesday, March 13, 2012
SA ikaupat nga higayon ning bulan sa fire prevention, ningresponde na usab ang kabomberohan sa dakbayan sa Lapu-Lapu sa sunog sa Mepz 1 gate 2 nga mao ang Maitland–Smith sa Brgy. Pusok.
Alas 10:50 kagahapon sa buntag, nagdinaganay ang gatusan ka mga empleyado sa kompaniya pagawas gikan sa ilang buhatan human nila makita ang grabeng aso gikan sa sud dapit sa bag-ong gihimong laing warehouse.
Matod sa supervisor sa lamps and metal department, Caroline Auges, nga nagtuo sila nga namugna ang sunog tungod sa pag-wielding ug cutting sa warehouse.
Hayan ang mga spark niini nitugdon sa mga goma ug ubang raw materials.
Dugang ni Auges nga grabe ang aso hinungdan nga nakahukom sila sa pagpanggawas dayon aron malikayan nga aduna pay madisgrasya.
Hinuon dali ra usab nga nakaresponde ang fire truck sa Peza ug gitabangan pud dayon sa kabomberohan sa kagamhanan sa dakbayan sa Lapu-Lapu.
Gipatik sa mantalaang SuperBalita Cebu Marso 14, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
