1 patay, 2 angol sa pagpamusil

USA ang patay ug duha ang angol sa managlahing kaso sa pagpamusil sa dakbayan sa Sugbo.

Alas 12:15 sa kaadlawon kagahapon, usa ka 53-anyos ang gipusil-patay samtang nagmaneho sa iyang motorsiklo sa eskina sa New Imus Road ug dalan Lorega St., Barangay Lorega San Miguel.

Ang biktima mao si Nestor Edaño Santillas, 53, bag-o lang niabot sa iyang balay dihang duha ka mga armadong lalaki nga nagsakay og motorsiklo ang nipusil kaniya sa makadaghang higayon.

Si Santillas natumba sa dalan u­­­ban sa iyang motorsiklo. Ang duha ka mga mamumuno daling ningsibat.

Ang biktima nakaangkon og daghang samad nga pinusilan gikan sa kalibre .45. Gidali pagdala sa ospital apan namatay gyud kini.

Kagahapon sa buntag, duha ka managhigala nagkapinusilay tungod sa laptop nga dugay nang gihulman ug wala na gyud iuli sa Barangay Mabolo, dakbayan sa Sugbo.

Si Randy Arellano, hingkod na ang punuigon, ug nagpuyo sa dan J. Seno sa nahisgutang barangay nihuwam og laptop sa iyang higala kinsa naila lang sa pangan nga “Macmac.”

Matod ni PO3 Rommel Opurto sa Mabolo police nga inay iyang iuli, nisibat na hinuon si Arellano bitbit ang wala pa matinong kalibre sa pistola ug nakita ni Macmac busa gipusil sa iyang pugakhang apan wa kini nibuto. Si Arellano nibawos sa pagpusil apan wala usab kini makaigo.

Ang duha wala masikop sa ka­pulisan nga nitubag sa alarma sa pi­nusilay.

Alas 7:15 sa gabii niadtong Sabado, usa ka 18-an­yos nga nitabang sa iyang higala nga samdan ang gipusil sa Sitio San Miguel, Barangay Pung-ol Sibugay.

Si Jelvin Morga Vasquez, 18, nagkanayon nga nitabang lang siya sa kabanay nga nahagba dihang samdan human gibunalan og botil­ya sa ulo sa usa ka Margarito Rosaldo.

Apan walay nakakita kon kinsa namusil.

Sa Purok 8, Barangay Camput­haw, usa ka Donald Repollo Poncar, 34, gipusil samtang naglingkod gawas sa ilang balay sa wa mailhing tawo.

Ang maong mga kaso gisubay karon sa Homicide Section sa Ce­bu City Police Office (CCPO). (Sun.Star Cebu/