Gisupak
-A A +AFriday, June 29, 2012
KAHUGPUNGAN sa mga taxi operators sa Sugbo ang hugtanong ningsupak sa tinguha sa Consumer’s Rights for Economic Welfare, Inc., nga pakunhuran ang pletihan sa taxi.
Ang Crew niduso og petisyon sa Land Transportation Franchising and Regulatory Board sa Central Visayas nga nag-awhag sa pagpaubos sa flag down rate sa taxi gikan sa P40 ngadto na sa P30.
Nag-awhag usab sila nga ikanaug sa P6 gikan sa P7.50 ang minimum nga pletihan sa public utility jeepney.
Apan si Richard Cabucos, presidente sa Metro Cebu Taxi Operators’ Association namahayag nga supak sila sa maong tinguha.
Siya nagkanayon nga dili lang ang presyo sa mga produktong petrulyo ang angay nga tan-awon sa pagpakunhod sa pletihan sa taxi kondili apil usab ang presyo sa mga spare parts, maintenance ug abangan sa sakyanan.
Iyang gihimo nga pananglitan ang presyo sa baterya sa sakyanan, matod niya, gikan sa P900 ang matag usa karon nagkantidad na og P1,750.
Gipatik sa mantalaang SuperBalita Cebu Hunyo 30, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
