Wa pag-encash sa tseke di pamulitika
-A A +AFriday, June 29, 2012
GIKLARO sa Kapitolyo nga way sambog pulitika ang wa pag-ilis og kwarta sa tseke nga financial aid sa buhatan ni Bise Gobernador Agnes Magpale ngadto sa usa ka barangay sa lungsod sa Ronda.
Si Capitol consultant Rory Jon Sepulveda nagkanayon nga dunay gisunod nga proseso sa paghatag og financial assistance ngadto sa kabarangayan diin himuon na nga binuwan ang distribusyon ug dungan nga i-apud-apod ngadto sa mga hingtungdan.
Mao kini ang gihatag nga katin-awan ni Sepulveda human wa mapa-encash ang P20,000 nga tseke nga financial aid gikan sa pork barrel ni Magpale ngadto sa Barangay Canduling, Ronda.
“It’s just a policy nga monthly ipanghatag, wala gi-hold. At least ang formalities na lang sa release nga dili na puwede nga anhi-on, kolektahon...” pasabot niini dihang nahinabi sa mga tigbalita sa Kapitolyo kagahapon.
Matod niya niadto lang Mayo nadesisyonan ni Gobernador Gwen Garcia nga inig suroy sa usa ka lugar ang gobernador kauban ang mga bokal o bise gobernador, dungan nga ipanghatag ang financial assistance sa maong dapit.
Gipatik sa mantalaang SuperBalita Cebu Hunyo 30, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
