Kawani sa casino gidunggab, patay

KAWANI sa usa ka cacino patay nang napalgan sa kasagbutan sa iyang mga paryente kagahapon sa alas 5 sa buntag sa Sitio Simbuwawan, Barangay Naylon, dakbayan sa Bogo.

Si Carlito Varga, 43, minyo, kawani sa casino sa dakbayan sa Sugbo, nakaangkog samad dinungaban sa buko-buko.

Nasikop ang suspek nga si Reden Butal, 24, “alias Juntay,”dunay kapuyo, taga Sitio Looc, Barangay Naylon, lumad nga taga Barangay Del Carmen, Uson, Masbate.

Si PO3 Allan Dosdos, imbestigador sa Bogo Police nga nahinabi sa Sun.Star Superbalita, nagkanayon nga ang biktima nitambong sa piyesta sa lugar niadtong Biyernes.

Matod ni Dosdos nga tulo ka testigos ang ilang gihuptan nga naglakip sa usa ka barangay tanod nga si Alfonso Cuyos, 37, minyo bana sa iyaan sa suspek ug laing duha ka mga menor de edad.

Ang barangay tanod nibutyag nga ang menor de edad maoy nipahibawo kanila nga dunay tawo nga gibunalbunalan nga gigukod sa usa ka lalake nga nagsul-ob sa puti nga jacket nga may rebite nga puwa.

Dali nilang gisuhid ang lugar ug giiwagan ang barangay road.

Apan wa nila makit-i ang biktima kay diha matumba sa kasagbutan.

Ang suspek giingon nga paspas nga nilakaw palayo sa lugar, sumala sa bata.

Usa nila ka testigos ang nakakita sa suspek nga didto sa diskuhan niadtong gabhi-una.

Mga alas 7 sa buntag kagahapong adlawa, ang tanod niuban sa mga pulis ug ilang gideretso pag-adto ang balay sa suspek.

Padulong na unta kining molakaw kay nanghipos sa iyang mga sinina dihang ilang gidakop.

Ang jacket nga duna pay mga dugo nga nakuha sa balay niini gilabhan sa iyang sa iyang asawa.